सुरुवातीची ओळ बा. भ. बोरकरांच्या सुप्रसिद्ध कवितेवरून सुचल्यामुळे त्यांची मनापासून क्षमा मागत आहे.

खूप या पुलास फाटे
एक जाया, कैक याया
सायंकाळी अन् सकाळी
वेळ हा जाणार वाया

विमाने देशी-विदेशी
उतरती ती उत्तरेला
मार्ग हैद्राबाद जाण्या
होय तोही त्या दिशेला

रिंगणे वा कंकणे दो
बंगळूरूच्या सभोती
नाव त्यांचे रिंग रोड
आहे सर्वांच्याच खाती

ओलांडुनी त्या रिंग रस्त्या
प्रवेशिण्या शहरामध्ये
वाहनांची रांग येथे
पुलावर्ती चढू लागे

गाड्यांची गर्दी सदैव
प्रवाहो जाई पुढे
येथ प्रत्येकास घाई
काढण्या गाडी पुढे

मात्र येथे ना कधीही
वाहतुकीचा मुरंबा
आळिपाळीने तुम्हाला
सांगती पोलीस 'थांबा!'

असा हा उड्डाणपूल
नाव तयाचे हेब्बाळ
नित्य येथे जातसे हो
संध्याकाळ अन् सकाळ