मी कॉटनचे कपडे जास्त वापरते. आणि मधे कुर्त्यांची फॅशन होती तेव्हा आवडीने कॉटनचे कापड घेउन ५-६ कुर्ते शिवुन घेतले होते. तसेच काही मैत्रिणीनी दिलेले होते. प्रत्येक कापडामागे थोडी इमोशनल अटॅचमेंट असल्याने वापरुन झाल्यावर टाकून न देता ढीग करुन ठेवले होते. १२-१३ कुर्ते, २ कमिझ असे साठवून केलेले हे बेडशीट.
इथे पिअर वन, कॉस्ट प्लस वगैरे ठिकाणी खुप सुंदर गिफ्ट बॅग्स मिळतात. त्यातही वाईन बॉटल्स गिफ्ट द्यायला म्हणून अत्यंत सुंदर बॅग्स मिळातात. त्यातही बर्याच साडीपासून बनवलेल्या वगैरे वाटतात. मला त्या खुप दिवसापासून करायची इच्छा होती पण केल्या नव्हत्या. एकदा दारात एक पार्सल येऊन पोचले आत बर्याच छान छान ओढण्या कॉटन, ऑर्गॅन्झा वगैरे. सोबत एक पत्र - या माझ्या ओढण्या आहेत त्या सत्कारणी लाव. - मेधा!
