कोजागिरी

हलके हलके
होऊन पीस
बलून मध्ये मस्त बैस
वजनरहित तरल सैल
उंच अंतराळात जाईल
भरून श्वास खोल खोल
वरून पहा भूमी गोल
नाही गुरुत्वाचे आकर्षण
मी पणाचे कण कण
हरपेल मग नाव गाव
कोण कुठले तुम्ही राव
पक्षांची ओलांडून सुंदर नक्षी
निळेभोर आभाळ साक्षी
राजहंस उडणारे खास
लागेल तिथे चंद्राचा ध्यास
शीतल चांदण्या स्वागतास
कोजागिरीच्या जागरास
केशरप्याल्यात चंद्रामृत
शीतल धुके चांदण्यांचे दूत
अशी खास स्वप्नील पूनव
कोजगरती म्हणून जागव

रश्मी भागवत

वर
0 users have voted.
हिंदी / मराठी
इंग्लीश
Use Ctrl+Space to toggle