मी इतक्या उत्साहाने पावसाचे फोटो टाकायला आले आहे हे पाहून मलाच हसू येतंय! कारण मी राहते दुष्काळी भागात. दक्षिण कॅलिफॉर्नियामध्ये. आमच्याकडे मोजून आठवडाभर पाऊस पडत असेल.. वर्षभरात. :thinking: तोही वरील शीर्षकाप्रमाणे रिमझिमच. कधीच मुसळधार नाही. ह्याच वर्षी जरा जुलै मध्ये देखील पाऊस होण्याचे चमत्कार झाले आहेत. अर्थात अजुन साऊथ साईडला. माझ्या एरियात, वेस्ट हॉलिवुडमध्ये नाहीच.

तर म्हणूनच की काय, माझ्याकडे इथल्या पावसाचे बरेच फोटो आहेत. कारण कौतुक ना. आकाशातून पाणी पडले खाली की मी फोटो काढायला तयार! अजुन पुष्कळ सापडतील. पण सध्या हे सापडले तेव्हढे अपलोड करते. :)

१) हा जुन्या गावातला पाऊस. (Camarillo,CA)

2) ढग अगदी आकाश गजबजून टाकतात. पण आम्ही आपले लगान सारखे काले मेघा काले मेघा पानी तो बरसाओ गात असतो!

3) सांजवेळी ढग दाटून आले, पाऊस अगदी पडणारच आता.. अशा वेळेस असा सुरेख रंग पसरतो.. निळी शाईच..

4) हा कुंद वातावरणाचा फोटो नाहीये, तर पाऊस अ‍ॅक्चुअली पडत आहे! घड्याळात वाजले दुपारचे १२!!

5) हा प्रॉबेबली गेल्या ४ वर्षातला सर्वात जास्त मुसळधार पाऊस..

6)

7)

8)

9) अन हा बीचवरचा पाऊस. समोर उधाण आलेला समुद्र, ओल्या डोंगररांगा .. (व अती स्लो झालेला ट्रॅफीक! )

अजुन फोटो सापडले तर आणतेच! :)