सफरचंदाचे घारगे

सफरचंद जरी काश्मीरला होत असलं तरी त्याला आमच्या कोकणी हुकमी एक्के वापरून अगदी कोकणी करून टाकलं! तांदूळ पिठी, गूळ आणि खोबरं मग चव काय अफलातून येणारच!

साहित्य :
एक सफरचंद
पाऊण वाटी गूळ
मीठ
पाव चमचा हळद
पाव वाटी ओलं खोबरं
दीड वाटी तांदूळ पिठी
एक वाटी कणिक
दोन चमचे तेल पिठात घालायला
तेल तळणीसाठी

कृती:

• सफरचंद धुवून साल काढा. सफरचंद किसून घ्या.
• कीस मोजा, एक वाटी किसाला पाऊण वाटी गूळ, चवीपुरते मीठ, दोन चमचे तेल,ओलं खोबरं, हळद घालून गॅसवर ठेवा.
• गूळ विरघळला की गॅसवरून उतरवा.
• लगेच दोन्ही पिठं मिक्स करा.
• घट्ट गोळा बनवा.
• छोट्या गोळ्या करून घ्या.
• प्लॅस्टिक कागद किंवा केळीच्या पानावर थापून किंवा लाटून घारगे करा.
• कढईत तेल तापवून घारगे तळा.

साजूक तूप किंवा लोण्यासोबत झकास लागतात.