मला किडूक मिडुक वस्तू जमवून ठेवायची सवय आहे. गिफ्टचे रॅपिंग पेपर, जुने कपडे, जुन्या बेडशिट्स, टॉवेल, कागद, मणी, जुने ड्रेस, ओढण्या, नविन कुर्त्यांच्या बाह्या अशा अगणीत वस्तू! त्याचे काहीतरी करू म्हणुन ठेवलेले असते. अशाच माझ्या काही नविन कुर्त्यांच्या बाह्या मी जोडुन घेतल्या नाहीत त्या देशात कुठेतरी लोळत न ठेवता आठवणीने इकडे आणल्या होत्या. अशा ६-७ ड्रेसच्या बाह्या होत्या. त्या नीट कापून मागे इतर काम करताना उरलेले कापड लावून मी टी कोस्टर बनवले होते. ते एका इस्टकोस्ट ट्रिपमधे २-३ मैत्रीणींना गिफ्ट म्हणुन दिले. त्या अजुनही आठवणीने वापरतात. त्याची काही छायाचित्रे -