उन्हाळ्याच्या सुट्टीचा आळस झटकायला म्हणून शुक्रवारी घरात आहेत त्या फुलांमधे वेगवेगळ्या रचना करुन बघत होते.
नंतर लक्षात आलं की ह्यामधे केशरी, पांढरा आणि हिरवा रंग जास्तीत जास्त आहेत. आणि क्लिक झालं की ह्या रचना "तिरंगा" मधे टाकता येतील. :)
रचना करताना मला फक्त वेगवेगळ्या प्रकारची कॉम्बिनेशन्स करुन बघायची होती. त्यामुळे करताना सगळी "फ्री स्टाइल"च आहे. कोणतीही इकेबानाची तंत्र ह्यामधे वापरलेली नाहीत.

हा गेल्या वर्षीचा माझा तिरंगा☺

मॅगीच्या जलरंग वर्कशॉपमधे तिने इतके छान शिकवले की जलरंगाची भूलच पडलीय. अजून फार काही जमत नाहीये पण प्रयत्न करावासा वाटला.
निसर्गातही आपला तिरंगा कितीतरी वेळा झळकतो. कधीतरी मनात बसलेले हे चित्र, कागदावर उतरवण्याचा प्रयत्न केलाय. झाडांचा हिरवा, आकाशाचा पांढरा, त्यात निळी नदी, लाटांमधून दिसणारे अशोकचक्र, आणि सुर्योदयाने आकाशात पसरलेला केशर! मनात खूप काय काय होतं. किती हातून उतरलं तुम्हीच सांगा