आपण बोललो
भेटलो
स्वप्न पाहू लागलो;
वाटलं सापडलच मला माझं Wonderland;
तुझ्यात!
मग ती नव्याची सर ओसरली
Wonderland सारखं काही दिसेना तुझ्या डोळ्यात.
मग वाटायला लागल तू तो रस्ता असणार
मला माझ्या Wonderland कडे नेणारा
पुन्हा नवा उत्साह त्या अस्फुटा कडे धावण्याचा
चकवा लागल्या गत मी गोल फिरून तिथेच पुन्हा
Wonderland न सापडलेली Alice!
तू फक्त नव्याने दुःखाचं कारण होत राहीलास
मग अगदी अगदी वीटच आला या दुखावलं जाण्याचा
आणि
मी काढून घेतले हक्क मला दुखवण्याचे
तुझ्या कडून,
घरा कडून,
आपल्यां कडून,
परक्यां कडून
आणि
अगदी स्वतः कडून सुद्धा!