आई तू कुठे आहेस ?
मला अशी सोडून गेलीस,
एकटेपणाची शिक्षा दिलीस,
तुझ्या आठवणीने घरही रडतंय,
तुझ्याशिवाय जगणंही अडतय !
आई तू कुठे आहेस ?
तुझी खूप आठवण येते,
मनाला खोल जखमा देते,
तुझ्या हाकेची आता कशी ऐकू साद ?
कसा लाभेल आता तुझा आशीर्वाद ?
आई तू कुठे आहेस ?
तुझ्या कुशीत मी झोपायचे,
तुझा पदर धरून चालायचे,
दुखायचे मला तर तुझ्या डोळ्यांत पाणी,
आठवतात मला तुझी अंगाई गाणी !
आई तू कुठे आहेस ?
हरवून गेली आपुलकी माया,
दुरावली तुझ्या ममतेची छाया,
माझ्या वाट्यास आला फक्त एकांत,
झाला सगळ्या सुखाचा अंत !
आई तू कुठे आहेस ?
तू खूप सोसल्यास यातना,