मी काही वर्षांपूर्वी जरा दागदागिने करायला शिकले. मैत्रिणीकडे रहायला गेले होते मग थंडीच्या दिवसात दुपारी काहितरी उद्योग म्हणून शिकले. त्यानंतर एक छोटे प्रदर्षन्/सेल पण केले. प्रतिसाद बरा होता पण माझेच मन उडाले. उरलेले मटेरियल अजुन आहे. कधी कधी मैत्रिणींना भेट म्हणून करुन दिले तर तेवढेच राहिलेय आता काम. त्यातलाच हा एक पिस. मला अजुन तो पूर्ण वाटत नाही म्हणून वापरायला काढला नाही. ते रिकामे होल आहेत तिथे काय केले तर चांगले दिसेल ते कळत नाहिये. सुचवा तुम्हला काही वाटले तर. अजुन बरेच फोटो आहेत. बहुदा कुठेतरी फ्लिकरवर वगैरे. डाऊनलोड करुन टाकेन इथे.
दीड वर्शापूर्वी बहिणीला वाढदिवसाला काहीतरी वेगळी भेटवस्तू द्यावी असे डोक्यात होते. आणि नेटवर भेटवस्तू शोधता शोधता मला दिसली क्विलिंगची घड्याळे. किंमत होती १२०० ते १५०० अगदी माझ्या बजेटच्या बाहेर आणि . मग विचार केला, आपल्याला येतच क्विलिंग करायला, तर मग आपणच घड्याळ एक बनवुन द्यावे. आणि मग शोध सुरु झाला क्विलिंगसाठी मोकळ्या घड्याळाचा.
आणि फेविक्रिल हॉबी आयडियाजच्या दुकानात मिळालं एक घड्याळ. आणि भेट दिलं बहिणीला मी बनवलेलं क्विलिंगचं पहिलं घड्याळ. आणि ते पाहून तिच्याच ऑफिसमधल्या मैत्रिणींनी काही ऑर्डर्स दिल्या.
अमेझॉन वरून बीड ज्वेलरी मेकिंग किट मागवले व बसून काय काय बनवले आहे. अजून शिकतेच आहे. परवा एक मण्यांची ओळ केश्वीला बनवून दिली. खिळ्यावर टांगली की शोभेची दिसेल अशी.
पूर्वी पडदे असत असे काचेचे. एक सेट आहे. वीकांताला काय काय बनवत असते.
मला कुंभारकाम करायला लागून जवळपास तीन वर्षे होत आली, पण अजूनही ते सगळे कालच सुरु केले आहे अशा तर्हेने झटापट चालू असते. घरात जिकडे तिकडे विचित्र आकारांची आणि रंगांची भांडी पडलेली असतात. चार लोक पोहे खायला आले तर चौघांना वेगवेगळ्या प्रकारच्या, रंगाच्या, आकाराच्या, ताटल्या अन् भांडी मिळतात. माझे बिचारे देवही त्यातून सुटले नाहीत. उदबत्तीचे घर, दिव्याखालची ताटली हे सगळे - अपना हाथ जगन्नाथ ह्या प्रकारात मोडणारे!
