केशवराज मंदिर. गाव- आसूद, तालुका- दापोली, जि. रत्नागिरी. हे गाव दापोलीकडून आंजर्ले गावाकडे जाण्याच्या रस्त्यावर आहे. खाली गाडी पार्क करून मिनी ट्रेक करून वर टेकडीवर देऊळ आहे. एक सुंदर लहानशी नदी पुलावरून क्रॉस करून वर पायऱ्या चढत जायचे. हा पायऱ्या असलेला रस्ता नारळ पोफळींच्या बागेतून जातो त्यामुळे रस्ताभर हिरवीगार झाडे आणि सावली आहे. रस्त्याबरोबर कडेने पाटाचे स्वच्छ नितळ पाणी खळाळत असते.

सृजनाच्या वाटाबद्दल वाचले. म्हंटलं माझी एक आवडती जागा शेअर करुया. पूर्वीच लिहिलेला लेख आहे हा..

आज सकाळी उठुन अचानकच कुठे तरी फिरायला जाऊया विचार करायला लागलो.आमच्या रायगड जिल्ह्याचं एक बरं आहे एका दिवसात जाऊन परत येता येईल अशी बरीच पर्यटन स्थळं आहेत. मग जवळच अलिबागला जाऊन येऊ ठरवलं.
पुणा हायवे आमच्या गावाच्या अंगणात तर गोवा हायवे परसात आहे.जातानाचा आमचा रसायनी ते आपटामार्गे खारपाडा रस्ता माझा अतिशय आवडता रस्ता आहे.दुतर्फा गर्द झाडी,डोंगर,बाजूने लांबून छान पण जवळून पूर्ण प्रदूषित नदी!

बरीच वर्षे शिवथरघळी बद्दल ऐकले होते पण काही ना काही कारणाने आणि मह्त्वाचे म्हणजे थोडे आडवळणी असल्याने राहून जात होते.
मागच्या वर्षी दुबईतल्या दासबोध मंडळातर्फे , ९-१३ वर्षे वयोगटातल्या मुलांसाठी शिवथरघळ येथे १ आठवड्याचे शिबीर आयोजित केले होते. इथेच बरीच वर्ष राहणारी ही मुले , एकदम तिथे कशी राहातील ह्याची धाकधूक होती , पण तरी नाव घातले होते. तर त्यांना सोडायला आम्ही मिनी बस करून शिवथरघळला पुण्याहून भोर मार्गे वरंधा घाटातून गेलो होतो. साधारण १२५ किमी अंतर आहे. ताम्हीणी घाटातूनही जाता येते. पण पुण्याहून ते अंतर जास्त पडते.