सुखाचा शोध

सुखाचा शोध घेताना
मला खुप काही सापडले
जे मी शोधत होते
ते मी प्रत्येक्षात पहिले
बाळ जेवलीस का आईचा स्वर
पैसे आहेत ना तुझ्याकडे बाबांची हाक
तुला काहीतरी सांगायचे आहे भावाची तळमळ
स्वतःला सांभाळ आजीची साद
खुप दिवसाने भेटल्यावर मैत्रिणीने मारलेली मिठी
तब्बेत बारी नसताना काळजी करणारी मुलगी
खुप थकलेली असताना नवऱ्याने फिरवलेला डोक्यवरून हाथ
खरंच अनुभवत होती मी सुख
आणि थांबवला सुखाचा शोध

*** तेजोमय मित्रा ***
कोवळी, कोमल हलकेच फिरवी नजर
तप्त,कृध्द, थेट सरळ नजर
तिरकी मान, धूसर कलती नजर
वळवशी मान, नजरेसमोर अंधार.....
तव दर्शनाविना होतसे घाबरी
सतत गिरकी घेत रहातसे सामोरी
तू असा जवळी रहा
तू असा जवळी रहा ......
अंतर राखून फिरते भोवती गरगरा
मंतरलेली मी साहते ऋतुचक्राचा मारा
तुज असे काय ठावं-----
कितेक फिरती तुजभवती
मज नाही त्याची तमा
मज ऐसे ठावं ------
मी एकलीच त्यात तुझी प्रियतमा
या सुखास लागलं गिर्‍हाण (ग्रहण )
मजभोवती गोंडा घालणारा त्यास कारण
देवा ऐक माझं गार्‍हाणं

विठ्ठल विठ्ठल

अरे देवा विठ्ठला
निघाला निघाला
पायी चालला
वारकरी।।
उभा वाटेवरी
घेऊन भाकरी
करीन चाकरी
क्षणभरी ।।
भक्त मज सम
मुखी तव नाम
राहू नको लांब
जवळी ये ।।
पालखी सोहळा
पाहू निज डोळा
भेटेल सावळा
भाव भोळा ।।
गर्दी वाळवंटी
आस एक गाठी
होवो तुझी भेटी
विठूराया ।।
मिटूनिया डोळे
नजरा नजर
चालला गजर
जय हरी ।।
विठ्ठल विठ्ठल........

विजया केळकर ______

आठवण
( आईच्या स्मृतीदिना निमित्त ----- )

कधीच नाही ऐकिले तिचे गायिलेले गाणे
सतत आठवते ऐकिलेले स्तोत्र-पठण

अन्नपूर्णा प्रसन्न,कुशल सुगरण
पदार्थ चविष्ट, असो पुरण वा शिकरण

सुबक रांगोळी करून सडा-सारवण
पक्ष्यांस दाणा आणि नेमे गोग्रास घालणं

प्रपंच नेटका,टापटीपीचं शिवण
प्रसंगी काटकसर आणि गणित शिकवणं

दैवत राम-कृष्ण, ऐकावे वेळोवेळी भागवत पुराण
न चुके कार्तिकस्नान,श्रावणमासी 'सत्यनारायण'

म्हणावे आवडीने आठवले की भजन
जय जय राम कृष्ण हरि,नामस्मरण

तिच्या लुगड्यांची गोधडी उशाशी असणं
प्रेमळ स्पर्शसुख व उबदार पांघरूण .......येते आठवण....